Bu gün mən ətraf mühitin qorunması və ətraf mühitə ziyan gətirməyən nəqliyyat barədə məlumatın yayılması məqsədilə Təbiət Dostları və onun Yaşıl Velosipedçilər Klubundan olan enerjili bir qrupa qatılmışam. Ətraf mühitin qorunması işində hökumətlərin və dövlətlərin mühüm rol oynadığı bir vaxtda biz fərdi şəxslərin verə biləcəkləri faydanıda xatırlamalıyıq.
Hərkəsin fərdi qaydada verə biləcəyi vaxtda kiçik olmasına baxmayaraq, birgə fəaliyyət göstərən insanlar böyük bir dəyişikliyə nail ola bilərlər. Misal üçün, üç kilometr məsafədə avtomobilin velosipedlə əvəz olunması bizim atmosferə təxminən bir kiloqram istixana qazının düşməsinin qarşısını alır. Təsəvvür ediniz ki, dünyanın yeddi milliard əhalisinin həttə kiçik qismi mütamadi olaraq velosipeddən istifadə etsədi, sözü gedən kiloqramlar üst-üstə gəlib mühüm bir məbləğə çevrilərdir.
Velosiped sürmək həmçinin yol sıxlığını və havanın çirklənməsini azaldır, pula qənaət edir və idman hərəkətlərini təmin edir. Məhz bu səbəbdən ABŞ və dünyanın çox şəhərləri velosiped sürənlərə daha yaxşı şərait yaradır və mən Bakının da eyni istiqamətdə ilkin addımlarından məmnunam.
Dünyanın müxtəlif dövlətlərinin təmsilçiləri bu il Parisdə bir araya gələrək BMT-ın İqlim Dəyişikliyinə dair Konfransında sözügedən məsələləri müzakirə edəcəklər. Keçən ilin noyabrında Prezident Obama 2025-ci il üçün atmosferə ziyanlı tullantıları 2005-ci ilin səviyyəsi ilə müqaisədə 26-28 faiz azaltmaq məqsədini irəli qoymuşdur. Biz digər dövlətlərin bu istiqamətdə olan hədəflərinin Parisda açıqlamalarına ümid edirik.
Biz məhz fərdi, dövlət, və qlobal səviyyədə göstərdiyimiz səylərimizin nəticəsində ətraf mühitimizi yaxşılaşdırmaq və uşaqlarımız üçün daha sağlam planeti qorumaq istəyirik. Ümid edirəm ki, siz hamınız səylərinizi davam etdirəcəksiniz.
Səfir Sekuta